Sylwadau? Croeso!
4 Mawrth 2024
Er fod e wedi cymryd amser mae’r wefan hon yn gyffredinol, a’r tudalennau blog hyn yn arbennig, wedi bod yn newid a (gobeithio) gwella. Mae croeso o hyn ymlaen i ddarllenwyr ac ymwelwyr i’r safle hon ddweud ei ddweud a mae system o Bostio Sylwadau wedi’i gynnwys yma am y tro cyntaf ar waelod y tudalen – am yr hyn ysgrifennir yma. Diolch unwaith eto i George – prif beirianydd y wefan hon – am ei gymorth a chyngor am sut i wneud y pethau hyn.
Felly – dyma rywbeth i chi fwynhau am y tro – ac mae croeso i chi ymateb os teimlwch chi fel’ny. Diolch!
Golygfa mis Chwefror – yn dangos y llifogydd diweddar yn y cwm, ein ci (Sophe) a’r fynedfa i’r hen lôn oedd yn rhedeg o’r tŷ (Rhiwiau) ar hyd y cwm cyn/neu yn ogystal â’r heol fodern, bresennol sy’n rhedeg yn gyfochrog ar ochr draw yr afon – o flaen fferm gwelwch chi yn y ffoto. Fe welwch chi ei holion ar yr hen fap OS isod.
Yn y Sgubor ces dymor da, lle iach
A lloches drwy’r eira;
Yn ei nef, hydref neu ha’,
Gwres awen a groesawa.
4/3/2024